Koreja e Veriut hedh poshtë ofertën e SHBA-së

Koreja e Veriut tha të enjten se “do të injorojë një ofertë të SHBA-së për bisedime nëse nuk tërhiqet nga politika e saj armiqësore”, disa ditë pasi Washingtoni i “zgjati dorën” Pyongyangit në një përpjekje për të rinisur negociatat bërthamore.

Sipas mediave të huaja, deklarata nga Choe Son Hui, ministri i parë i jashtëm, erdhi disa orë para se shefat e jashtëm dhe të mbrojtjes të SHBA-së dhe Koresë së Jugut të takoheshin në Seul për bisedimet e tyre të para të përbashkëta në pesë vjet për të diskutuar programin bërthamor të Koresë së Veriut. “Ajo që është dëgjuar nga SHBA që nga shfaqja e regjimit të ri është vetëm një teori e çmendur e ‘kërcënimit nga Koreja e Veriut’ dhe retorika e pabazë në lidhje me denuklearizimin e plotë”, ka thënë Choe. Ai përsëriti qëndrimin e Koresë së Veriut se asnjë “dialog i çfarëdo lloji” nuk mund të jetë i mundur nëse SHBA “nuk tërhiqet nga armiqësia e saj”. “Prandaj, ne do të shpërfillim një përpjekje të tillë të SHBA në të ardhmen, gjithashtu”.