Ministrja franceze e Kulturës infektohet me Korona

Ministrja franceze e Kulturës të Shtunën në mbrëmje njoftoi se ishte infektuar me virusin Korona.

Sipas Agjencisë së Lajmeve Fars, Roselyne Bachelot konfirmoi në Tëitter se është infektuar me virusin Korona dhe njoftoi se është në karantinë dhe në ditët në vijim do të bëjë punën e saj nga shtëpia.  Të Dielën e kaluar, Ministrja Franceze e Punës Élisabeth Borne njoftoi se ishte infektuar me virusin korona. Franca është prekur rëndë nga shpërthimi i virusit korona. Gjatë ditëve të fundit, numri i pacientëve me sëmundjen e koronës në Francë është rritur sërish. Qeveria Franceze aktualisht është nën presionin profesionistëve të kujdesit shëndetësor në vend për të vendosur kufizime të reja. Sidoqoftë, në vend që të vendoste karantinë, qeveria e Parisit zbatoi ndalimin e qarkullimi nga ora 6 pasdite dhe mbylli me forcë qendrat e mëdha tregtare dhe në disa zona vendosi rregullore të karantinës së përkohshme. Franca aktualisht ka numrin më të lartë të të infektuarve me koronavirus në Evropë, pas Rusisë dhe Britanisë. Qeveria e Presidentit francez Emmanuel Macron është akuzuar nga media dhe opinioni publik për dështimin e saj në përballjen transparente me virusin korona dhe se politikat e tij nuk janë përshtatur në nivelin e përhapjes së virusit.