Organizatat humanitare paralajmërojnë rritjen e pasigurisë ushqimore në Evropë

Ndërsa shpërthimi i virusit Korona hyn në vitin e dytë, organizatat humanitare në Evropë po paralajmërojnë një rritje shqetësuese të pasigurisë ushqimore në mesin e të rinjve.

Shpërthimi i koronavirusit ka shkaktuar emergjencë sociale dhe ka rritur numrin e njerëzve të varfër.  Pasiguria e ushqimit ekzistonte midis studentëve edhe në epokën para-Korona. Në të njëjtën kohë, problemi u përkeqësua kur vendet evropiane vendosën karantinat mbarëkombëtare verën e kaluar për të frenuar koronavirusin.  Organizatat e ndihmës humanitare, të cilat sigurojnë kryesisht ushqim për azilkërkuesit, të pastrehët dhe ata që jetojnë nën kufirin e varfërisë, janë përqendruar gjithashtu në rritjen e kërkesës midis të rinjve.  Kërkesa për ndihmë ushqimore në të gjithë Evropën është rritur me 30%, sipas Federatës së Bankave Evropiane të Shpërndarjes së Ushqimit.  Organizata Botërore e Shëndetësisë (OBSH) ka shprehur shqetësimin për përhapjen e shpejtë të versioneve të mutuara të koronavirusit në Evropë.  Evropa është zona e dytë më e infektuar në botë me një vdekje totale prej gati një milion dhe numri i përgjithshëm i njerëzve të infektuar me Covid-19 afër 45 milion.