Ekspozitë e madhe e punimeve iraniane në Londër
Muzeu "Victoria dhe Albert" do të shfaqë historinë e kulturës dhe artit iranian duke ngritur një ekspozitë të madhe.
Sipas Reuters, një koleksion i punimeve artizanale dhe artistike duke filluar nga skulpturat historike e deri në fotografi bashkëkohore që përfaqësojnë 5,000 vjet të kulturës iraniane dhe historisë së artit, nga java tjetër do të shfaqen në Muzeun Victoria dhe Albert në Londër. Ekspozita "Irani Epik", e cila hapet për publikun të Shtunën, tregon më shumë se 300 punime nga Irani antik, bashkëkohor dhe Islamik, duke përfshirë një koleksion të dorëshkrimeve, qeramikës, qilimave dhe fotografive. E mbajtur për herë të parë pas 90 vitesh në Britani, ekspozita është në 10 seksione të ndryshme, duke përfshirë "Perandorinë Persiane" me fokus në dinastinë Akamenide, "Fe" me fokus në rolin e Islamit në kulturën iraniane dhe "Përsosmëri letrare" e cila mbahet me fokus në poezinë persiane. John Curtis, një nga organizatorët e ekspozitës, beson se tani që nuk është e mundur të merren punimet nga Irani, është një kohë shumë e vështirë për të mbajtur ekspozitën. Sipas Curtis, punimet në këtë ekspozitë janë huazuar nga vende të ndryshme në mënyrë që më në fund të formojnë një ekspozitë për të treguar civilizimin e madh të Iranit. Kjo ekspozitë do të zgjasë deri më 12 shtator 2021.
