Raporti i KB: BE fajësohet për mijëra azilkërkues

Në një raport, Komisionari i Lartë i KB për të Drejtat e Njeriut fajësoi vendet anëtare të BE për vdekjet e mijëra refugjatëve në Mesdhe.

Sipas agjencisë së lajmeve Fars, në një raport të ri, Kombet e Bashkuara fajësuan Bashkimin Evropian për të paktën një të pestën e vdekjeve të mijëra refugjatëve që kalojnë Mesdheun. Sipas Middle East Monitor, raporti akuzon Bashkimin Evropian për pengimin e operacioneve të shpëtimit dhe kthimin e qëllimshëm të azilkërkuesve në det. Raporti prej 37 faqesh, botuar nga Zyra e Komisionarit të Lartë të Kombeve të Bashkuara për të Drejtat e Njeriut, thotë se vdekjet e azilkërkuesve janë rezultat i "vendimeve dhe veprimeve të prekshme politike" nga vendet anëtare të BE, zyrtarë libianë dhe aktorë të tjerë. Të paktën 2239 refugjatë u mbytën ndërsa përpiqeshin të arrinin Maltën dhe Italinë nga Libia gjatë periudhës së mbuluar nga raporti (fillimi i vitit 2019 deri në fund të vitit 2020). Sipas Kombeve të Bashkuara, numri i azilkërkuesve që vdiqën në tremujorin e parë të këtij viti vlerësohet në 632 persona.