Libia mirëpret largimin e mercenarëve të huaj nga ky vend
Kryetari i qeverisë së përkohshme të unitetit kombëtar të Libisë ka deklaruar se Tripoli nuk është i informuar në lidhje me marrëveshjen e Rusisë dhe Turqisë për largimin e mercenarëve të tyre nga Libia, mirëpo mirëpret një marrëveshje të tillë.
Abdulhamid Dabibe në një intervistë me agjencinë e lajmeve Reuters, ka thënë se prania e mercenarëve të huaj është një rrezik i vërtetë kundër procesit politik për vendosjen e paqes në Libi dhe ka shtuar: “Qeveria e Tripolit me të gjitha faktorët e sferës së zhvillimeve të Libisë ka hyrë në negociata për largimin e mercenarëve të huaj nga territori i këtij vendi. Qeveria e unitetit kombëtar të Libisë është e obliguar për organizimin e zgjedhjeve më 24 dhjetor të vitit 2021, por natyrisht disa përfaqësues dhe deputet ndoshta nuk dëshirojnë ta lirojnë pushtetin”.
Si rezultat i zhvillimit të një takimi nën mbikëqyrjen e OKB në muaji9n e kaluar, disa diplomatë amerikan dhe gjermanë kanë deklaruar: “Rusia dhe Turqia kanë rënë dakord që gradualisht të largojnë mercenarët e tyre nga territori i Libisë”.
Përfaqësuesi i Rusisë gjithashtu në mbledhjen e Këshillit të Sigurimit, ka theksuar: “Moska kërkon largimin gradual dhe njëkohësisht të të gjitha forcave ushtarake të huaja nga Libia dhe garantimin e kësaj çështje”.
