Rekord i zi i vdekjeve nga COVID-19 në Rusi

Rusia sot raportoi 799 vdekje të lidhura me Covid-19, një rekord që vendi regjistroi për herë të katërt për rreth një muaj.

Dhe për këtë, autoritetet ruse kanë fajësuar variantin Delta më ngjitës të coronavirusit për rritjen e fundit të numrit të njerëzve të infektuar. Grupi i punës i coronavirusit të Rusisë gjithashtu ka konfirmuar 21,571 raste të reja me Covid-19 në 24 orët e fundit, një rënie e lehtë nga kulmi i tij në korrik. Që nga fillimi i pandemisë, gjithsej 6,512,859 raste të infeksionit dhe 167,241 vdekje janë konfirmuar në Rusi. Agjencia Federale e Statistikave e Rusisë mban një listë të veçantë të vdekjeve dhe thotë se nga prilli 2020 deri në qershor 2021, Rusia regjistroi rreth 315,000 vdekje të lidhura me Covid-19.