Shpërthimi goditi një kolonë talebane, të paktën një i vrarë

Të paktën një person u vra dhe shtatë u plagosën nga një shpërthim bombe në provincën lindore afgane të Nangahar që goditi sot një autokolonë talebane, thanë zyrtarët lokalë dhe dëshmitarët okularë.

Shpërthimi ndodhi në Jalalabad, kryeqyteti i provincës Nangahar, në orën 8 të mëngjesit me kohën lokale, tha një zëdhënës i talebanëve për DPA pa dhënë detaje. Një burim në Spitalin Rajonal Nangahar tha se një luftëtar taleban u vra dhe shtatë persona u plagosën, përfshirë katër civilë, dhe se ata u dërguan në spital. Duke cituar dëshmitarë okularë, mediat lokale raportuan se shpërthimi u shkaktua nga një bombë e fshehur përgjatë rrugës që shpërtheu kur një kolonë e luftëtarëve talebanë u ndesh me të. ISIS  ka marrë përgjegjësinë për disa nga sulmet e fundit. Talebanët dhe ISIS kanë luftuar njëri-tjetrin në të kaluarën. Një zyrtar i lartë taleban kohët e fundit pohoi se grupi terrorist ISIS nuk përbënte asnjë kërcënim në Afganistan dhe se talebanët mund ta frenonin atë.