Forcat nigeriane të sigurisë vrasin tetë zimbajtës myslimanë në Arbain
Policia nigeriane ka hapur zjarr në një tubim paqësor të myslimanëve shi'itë që shënojnë Arbainin, ditën e 40-të pas përvjetorit të martirizimit të Imam Huseinit, nipit të Profetit Muhamed (paqja qoftë mbi të), duke vrarë tetë persona dhe duke plagosur një numër të tjerë në kryeqytetin Abuxha.
Viktimat u raportuan të martën pasi policia dhe forcat e sigurisë përdorën plumba realë për të shpërndarë qindra zimbajtës që përkujtonin Arbainin Huseinian përgjatë një rruge kryesore në rrethin Gwarinpa. Tubimi fetar u organizua nga Lëvizja Islame në Nigeri (IMN), një grup që gjatë viteve të fundit ka qenë nën sulme të ashpra nga forcat qeveritare nigeriane pas protestave të gjera kundër arrestimit të udhëheqësit të saj, klerikut të shquar shi'it Shejh Ibrahim Zakzaki. Abdullahi Muhamed, një anëtar i IMN, tha se pjesëmarrësit po ecnin paqësisht përgjatë autostradës Abuja-Kubwa kur një ekip i kombinuar i policisë dhe ushtarëve gjuajti gaz lotsjellës dhe plumba drejtpërdrejt mbi ta. Muhamed tha se tetë persona u qëlluan për vdekje dhe dy u morën nga forcat e sigurisë. Videot dhe imazhet e postuara në mediat sociale dhe të publikuara nga faqet e internetit treguan trupa të shtrirë në tokë dhe njerëz që vraponin nga ato që dukeshin si re gazi lotsjellës.
