Koreja e Veriut kryen testin e ri raketor

Koreja e Veriut testoi një raketë të re kundërajrore të premten herët në mëngjes, e cila u prit me një përgjigje të menjëhershme nga zyrtarët amerikanë.

Sipas Reuters, agjencia zyrtare e lajmeve e Koresë së Veriut konfirmoi se "Akademia e Shkencave të Mbrojtjes", e cila është organizata për prodhimin e armëve ushtarake, ka qenë përgjegjëse për testimin e raketës së re. Agjencia zyrtare e lajmeve e Koresë së Veriut raportoi të mërkurën në mëngjes se kishte testuar me sukses një raketë të re "hipersonike". Nga ana tjetër, lëshimi i një rakete të re nga Koreja e Veriut ka hasur në një përgjigje të menjëhershme të SHBA, me Sekretarin e Shtetit të SHBA Anthony Blinken i cili ka deklaruar se veprimet e Phenianit do të rrisin paqëndrueshmërinë. Kim Sung, përfaqësuesi i Koresë së Veriut në Kombet e Bashkuara, i tha Asamblesë së Përgjithshme të OKB -së të hënën se vendi i tij kishte një të drejtë legjitime për të testuar armë dhe për të forcuar aftësitë e tij mbrojtëse. Shtetet e Bashkuara dhe anëtarët e Këshillit të Sigurimit të Kombeve të Bashkuara kanë vendosur disa raunde sanksionesh ndaj Koresë së Veriut që nga testi i parë bërthamor i Koresë së Veriut në vitin 2006.