Pushime pa pagesë për mijëra punonjës amerikanë që nuk bëjnë vaksina

Kryetari i bashkisë së Nju Jorkut njoftoi se rreth 9,000 punonjës komunalë u dërguan në leje pa pagesë për refuzimin e zbatimit të vaksinimit të detyrueshëm të Covid-19.

Sipas Guardian, kryebashkiaku i Nju Jorkut Bill de Blasio tha se mijëra zjarrfikës kontaktuan gjithashtu eprorët e tyre në shenjë proteste dhe kërkuan leje mjekësore. Shefi i Departamentit të Zjarrfikësve të qytetit të Nju Jorkut, Daniel Negro tha se stacionet e zjarrfikësve ishin të hapura, por 18 nga 350 u mbyllën dhe shumë ishin të pafinancuar. Që nga e diela, një në katër zjarrfikës të qytetit të Nju Jorkut nuk kishte marrë dozën e parë të vaksinës kundër Korona. Rreth një në gjashtë punonjës policie dhe një në gjashtë punonjës shëndetësorë nuk janë vaksinuar ende. Shtetet e Bashkuara aktualisht janë në krye të botës si për nga numri i personave të infektuar me virusin Korona ashtu edhe për numrin e vdekjeve të shkaktuara nga virusi.