Këshilli i Sigurimit dënoi atentatin ndaj kryeministrit irakian
Këshilli i Sigurimit i OKB-së lëshoi të hënën një deklaratë duke dënuar ashpër tentativën për vrasjen e kryeministrit irakian Mustafa al-Kadhimi.
Sipas IRNA, anëtarët e Këshillit të Sigurimit shprehën kënaqësinë për faktin se kryeministri i Irakut nuk u dëmtua nga sulmi dhe përsëritën mbështetjen e tyre për pavarësinë, sovranitetin, unitetin, integritetin territorial, procesin demokratik dhe përparimin e Irakut. Anëtarët e Këshillit të Sigurimit kërkuan gjithashtu që autorët e këtyre akteve terroriste të dalin para drejtësisë si dhe të dënohen organizatorët, financuesit dhe mbështetësit dhe u bënë thirrje të gjitha vendeve që të bashkëpunojnë me qeverinë irakiane në këtë drejtim, në përputhje me angazhimet e Këshillit të Sigurimit si dhe të drejtën ndërkombëtare. Rezidenca e kryeministrit irakian në Zonën e Gjelbër të Bagdadit u shënjestrua nga një dron shpërthyes të dielën në mëngjes dhe Al-Kadhemi i mbijetoi operacionit të vrasjes. Iraku ditët e fundit ka parë një rritje të tensioneve të brendshme politike. Të premten e kaluar, një numër protestuesish u vranë dhe u plagosën në përleshjet me forcat irakiane të sigurisë lidhur me rezultatet e zgjedhjeve parlamentare të Irakut. Pas incidentit, disa akuzuan kryeministrin irakian se ishte përfshirë në konflikt dhe dërgoi forca speciale për t'u marrë me protestuesit në prag të zgjedhjeve parlamentare.