Qytetarët e Vjenës: Hiqni masat anti-Covid!

Rreth 5 mijë kundërshtarë të masave te pandemisë dolën  neper rrugët e Vjenës, duke vazhduar kështu demonstratat që prej disa javësh.

Ata mbanin qirinj dhe ndezën dritat e celulareve, siç thanë organizatorët e protestës, në përgjigje ndaj përkujtimit të viktimave të javës së kaluar. Në demonstrata, shumë pjesëmarrës refuzuan të mbanin maska, megjithëse kjo është e detyrueshme sipas rregullave aktuale. Protestat pritet të përshkallëzohen dhe tubime janë paralajmëruar edhe më 31 dhjetor. Ndërsa një manifestim masiv do të zhvillohet më 8 janar. Për shkak të rritjes së fundit drastike të numrit të të infektuarve me virusin Covid-19, qeveria austriake ka shtrënguar shpejt rregullat e aksesit për restorantet dhe manifestimet kulturore.