164 të vrarë mbi 5 mijë të arrestuar në Kazakistan
Gjithsej 164 persona janë vrarë gjatë javës së kaluar në protestat e dhunshme në Kazakistan. Kjo është bërë e ditur nga shifrat e Ministrisë së Shëndetësisë së Kazakistanit.
Më shumë se 2,200 qytetarë u tha se u plagosën në dhunën, e cila bëri që forcat e sigurisë së Kazakistanit të përdorin armët për të shtypur protestat kundër qeverisë së vendit. Sipas Ministrisë së Shëndetësisë së Kazakistanit, 719 qytetarë po trajtohen ende në spitale, 83 prej tyre në gjendje kritike. Demonstratat e nxitura nga rritja e çmimeve të karburantit filluan një javë më parë në përmendim të Kazakistanit, përpara se të shndërroheshin në një revoltë më të gjerë kundër qeverisë. Në Almati, qyteti më i madh i vendit, protestat kaluan në trazira dhe përleshje ku u dogjën dhjetëra ndërtesa dhe biznese. Të premten, presidenti Kassym-Jomart Tokayev kishte lëshuar një urdhër për të qëlluar protestuesit, mes të cilëve sipas tij ndodhen terroristë dhe banditë. Pas një takimi, të dielën, zyra e tij tha se operacionet për të frenuar protestat po vazhdonin dhe e përshkroi situatën si nën kontroll. “Po merren masa për gjetjen dhe arrestimin e terroristëve,” tha Tokayev. Deri më tani, pothuajse 6,000 njerëz janë arrestuar, duke përfshirë shumë të huaj, sipas zyrës së presidentit të Kazakistanit.
