Rusia i kërkon Turqisë të mos përzihet në Kazakistan
Moska pret që Turqia të përmbahet nga deklaratat e gabuara për Kazakistanin dhe të shmangë përpjekjet "të peshkojë në ujërat e trazuar", tha zëdhënësja e Ministrisë së Jashtme ruse Maria Zakharova.
"Ne presim që zyrtarët turq të përmbahen nga bërja e deklaratave të pamenduara me zë të lartë," tha ajo në një konferencë, duke komentuar deklaratën e një zyrtari turk që e përshkruan Kazakistanin si një vend "i cili fillimisht u çlirua nga shtypja sovjetike dhe tani forca të caktuara po kërcënonin ta vendosnin atë nën një zgjedhë të pakuptimtë”. "Kjo situatë tragjike, komplekse dhe e jashtëzakonshme për Kazakistanin ka kërkuar një përpjekje të bashkërenduar dhe sigurisht nuk duhet parë si një mundësi për të dëmtuar dhe për të peshkuar në ujërat e trazuar," shtoi Zakharova. Duhet theksuar se mediat proturke kanë bërë tashmë disa publikime duke akuzuar Rusinë për pushtimin e Kazakistanit, megjithatë, është mjaft e qartë se pas ndërhyrjes së Rusisë në situatën në Kazakistan, u bë e mundur jo vetëm të demonstrohej fuqia e CSTO-së dhe eliminimi i kërcënimit terrorist, por edhe ndalimi i planeve të Turqisë për përfshirjen e Kazakistanit në planet neo-otomane të qeverisë së Erdoganit.
