Perëndimi dyndet në Ukrainë, çfarë do të bëjë Putini?

Pak orë më parë, Rusia e Vladimir Putinit urdhëroi evakuimin e diplomatëve të saj në Ukrainë nga frika se mos i shihte të marrë peng nga një Kiev, i cili, pas humbjes së madhe të aksit SHBA/NATO/Izrael në Kazakistan, po vdes nga dëshira për të bërë një konflikt me Rusinë.

Krahas tonelatave të armatimeve që vazhdojnë të mbërrijnë në Ukrainë, ka edhe këshilltarë ushtarakë amerikanë, britanikë, të cilët zbarkojnë grup-grupe në vend dhe kjo, me objektivin e rreptë për të nisur luftën në emër të interesave të Ukrainës kundër Rusisë: “Ndryshe nga deklaratat e vendeve të NATO-s se njësitë e Aleancës nuk do të vendosen në territorin e Ukrainës, mësohet se Kanadaja ka vendosur forcat e saj speciale në Ukrainë (dhe sipas disa burimeve, në Donbas). Të dhënat për këtë temë jepen nga kanali Global News, duke vënë në dukje se bëhet fjalë për një grup të vogël ushtarësh, ndoshta disa dhjetëra persona. Ky burim shton: “Aeroplani i tretë ushtarak britanik solli gjithashtu armë të panjohura dhe personel ushtarak në Ukrainë. Kjo është shtesë e raporteve se sistemet e lehta anti-tank Brimstone të prodhuara nga Britania ju furnizuan trupave ukrainase të shoqëruara edhe nga këshilltarët ushtarakë britanikë. Një avion britanik C-17 do t'i kishte bartur këto raketa Brimstone të cilat mund të rezultojnë mjaft efektive për të shkatërruar sistemet e luftës elektronike, radarët dhe sistemet e mbrojtjes ajrore që ndodhen në kufi me Ukrainën”. Çfarë do të bëjë Putini? Rusia sapo ka krijuar një qendër komanduese të integruar detare e cila fillon në Detin e Zi dhe shtrihet në Mesdhe në Siri, një qendër e cila padyshim do të jetë aktive në rast lufte. Lajmi vjen pasi Ministria Ruse e Mbrojtjes njoftoi muajin e kaluar se kishte filluar prodhimin masiv të raketave vdekjeprurëse supersonike Zircon me shpejtësi 6670 milje në orë dhe se një nga këto raketa mjafton për të dërguar aeroplanmbajtësen armike. Televizioni shtetëror rus e ka identifikuar raketën supersonike si arma e zgjedhur e Vladimir Putinit për të shkatërruar qytetet amerikane në rast të një konflikti bërthamor, një raketë supersonike me shumë funksione dhe e projektuar për të goditur objektivat detare dhe tokësore dhe e aftë për të goditur objektivat në një distancë prej mbi 625 miljesh. E gjithë kjo tregon se Rusia e ka vendosur, se duhet të hyjë në tempin e Rezistencës, të ndryshojë melodinë e saj, të shkojë përtej parandalimit të thjeshtë dhe pse jo, ashtu si Rezistenca t'a kapë demin nga brirët. Burime të informuara konfirmojnë se Vladimir Putin ka një plan të integruar kundërsulmues për të kundërshtuar mundësinë e aneksimit të Ukrainës nga Perëndimi në NATO, plan i cili plan përmban pikat e mëposhtme:

1- Të njoftojë vendosjen e forcave dhe armëve strategjike në Kubë dhe Venezuelë. 2 Të mbështesë Sirinë dhe aleatët e saj brenda boshtit të Rezistencës në betejën e tyre kundër entitetit sionist 3- Të mbështesë çdo gjë që do të shkaktonte trazira në Turqi për të rrëzuar shtyllën jugore të NATO-s dhe për të çmontuar regjimin e Erdoganit. 4 Dhe nëse është e nevojshme, të pushtojë Poloninë për të arritur në kufijtë e ish-Gjermanisë Lindore, pra te Muri i Berlinit. Në këtë kontekst, Putini ka argumente shumë solide dhe bindëse ligjore, politike dhe të sigurisë për opinionin publik rus dhe atë ndërkombëtar. Sepse ka një marrëveshje sovjetike me perëndimin, e cila parashikon tërheqjen e rusëve (sovjetikëve) nga Evropa Lindore në këmbim të moszgjerimit të NATO-s drejt Lindjes..., marrëveshje e prishur, sepse NATO-ja jo vetëm mori Evropën Lindore, por tani është në vendet baltike, dhe dëshiron të aneksojë ish-republikat sovjetike si Gjeorgjia dhe Ukraina, dhe pse jo, të shpërbëjë vetë Federatën Ruse!