Rritje drastike e shkeljeve të armëpushimit në Ukrainë
Vëzhguesit e Organizatës për Siguri dhe Bashkëpunim në Evropë (OSBE) raportuan një “rritje dramatike” të shkeljeve të armëpushimit në Ukrainën lindore.
OSBE-ja raportoi për prishjen e armëpushimit në fushën e betejës pranë Donetskut nën kontrollin e forcave pro-ruse. Në rajonin e Luhanskut, një qytet tjetër në Ukrainën lindore të mbajtur nga separatistët pro-rusë, organizata identifikoi 648 shkelje, nga të cilat 519 ishin “shpërthime”. Theksojmë se një tubacion ndërkombëtar shpërtheu të premten në Luhansk, një qytet në Ukrainën lindore të kontrolluar nga separatistët pro-rusë, ku janë publikuar pamjet që tregojnë një zjarr që ndez qiellin natën. Ushtria ukrainase njoftoi se ka regjistruar 12 shkelje të armëpushimit nga separatistët pro-rusë në Ukrainën lindore në mëngjes, pas 66 rasteve në 24 orët e mëparshme. Autoritetet separatiste ndërkohë pretendojnë se orët e para të ditës së sotme në disa fshatra janë lëshuar predha, siç thonë ata, nga trupat ukrainase.