Johnson paralajmëron për afrimin e  Luftës së Tretë Botërore

Kryeministri britanik Boris Johnson ka paralajmëruar se situata midis Ukrainës dhe Rusisë mund të çojë në luftën më të madhe në Evropë që nga Lufta e Dytë Botërore.

Sipas ISNA, kryeministri britanik “Boris Johnson” të shtunën në Konferencën e Sigurisë në Mynih, duke iu referuar krizës në Ukrainë, paralajmëroi se Evropa është në prag të luftës.  Ai tha se sulmi i mundshëm i Rusisë ndaj Ukrainës ishte një "kërcënim i madh për botën" dhe se kriza do të përhapej në mbarë botën. Johnson tha gjithashtu se informacioni i marrë tregonte se një konflikt ushtarak midis Moskës dhe Kievit ishte "gjithnjë e më shumë i mundshëm" dhe se, duke pasur parasysh premtimet e bëra nga qeveritë perëndimore për të mbështetur Ukrainën, " kthimi nga premtimet mund të jetë ofendues." Kryeministri britanik pa përmendur shkeljen e armëpushimit nga forcat ukrainase që kanë synuar rajonet autonome të lindjes, i bëri thirrje Rusisë të ulë tensionet. Ai gjithashtu kërcënoi se do të vendoste sanksione të ashpra ndaj "kompanive dhe individëve me rëndësi strategjike për Rusinë" nëse Rusia pushton Ukrainën. Ndërkohë, Rusia kohët e fundit i dorëzoi një paketë propozimesh Shteteve të Bashkuara dhe NATO-s për garanci sigurie, duke përfshirë mos zgjerimin e NATO-s në Evropën Lindore dhe tërheqjen e trupave të saj.