Ukraina po shqyrton ndërprerjen e marrëdhënieve me Rusinë

Presidenti i Ukrainës tha se po shqyrton ndërprerjen e marrëdhënieve me Rusinë, në përgjigje të njohjes nga presidenti Vladimir Putin të dy rajoneve të shkëputura në Ukrainën lindore si vende të pavarura.

Volodymyr Zelenskiy tha se mori të martën "një kërkesë nga ministria e jashtme për të shqyrtuar çështjen e ndërprerjes së marrëdhënieve midis Ukrainës dhe Federatës Ruse". "Unë tani, menjëherë pas kësaj konference për shtyp, do të shqyrtoj dhe punoj për këtë çështje," tha ai në një dalje të përbashkët në media me presidentin estonez Alar Karis.Zelenskiy  kërkoi gjithashtu një përgjigje të shpejtë dhe ndëshkuese ekonomike nga Perëndimi, e cila duhet të përfshijë "ndalimin e plotë të projektit Nord Stream 2" që çon gazin rus në Gjermani nën Detin Baltik. Ai gjithashtu e përshkroi lëvizjen e Rusisë si hapin e parë për të kryer një "agresion ushtarak kundër Ukrainës". “Ne besojmë se me këtë vendim Rusia po krijon bazën ligjore për agresion të mëtejshëm ushtarak kundër Ukrainës, duke shkelur kështu të gjitha detyrimet e mundshme ndërkombëtare”, tha presidenti ukrainas.