Bisedë telefonike mes presidentëve të Iranit dhe Rusisë

Presidentët e Iranit dhe Rusisë në një bisedë telefonike diskutuan për situatën në bisedimet e Vjenës dhe situatën e fundit në Ukrainë.

Sipas IRNA; Në këtë bisedë telefonike me Sejed Ibrahim Raisi të enjten në mbrëmje, Vladimir Putin e informoi atë për situatën në Ukrainë lidhur me vendimin për të nisur një operacion të posaçëm ushtarak për të mbrojtur banorët e republikave të Donbasit në përputhje me të drejtën ndërkombëtare dhe angazhimet e Rusisë në marrëveshjet e miqësisë dhe bashkëpunimit dhe ndihmës së ndërsjellë për Republikat Popullore të Donetskut dhe Luhanskut. Presidenti iranian, nga ana e tij, i quajti të kuptueshme shqetësimet e sigurisë së Rusisë për veprimet destabilizuese të SHBA-së dhe NATO-s.  Në një bisedë telefonike, presidenti rus Vladimir Putin e përshkroi situatën aktuale si një përgjigje legjitime ndaj dekadave të shkeljeve të traktateve të sigurisë dhe përpjekjeve perëndimore për të minuar sigurinë e vendit të tij. Raisi dhe Putin vazhduan bisedën e tyre telefonike ku diskutuan për përpjekjet diplomatike për të ruajtur dhe zbatuar plotësisht Planin Gjithëpërfshirës të Veprimit të Përbashkët për programin bërthamor të Iranit. Në këtë drejtim, u theksua se arritja e një marrëveshjeje përfundimtare në procesin e negociatave të Vjenës do të ndihmojë në ruajtjen e stabilitetit dhe sigurisë rajonale. Presidentët e Iranit dhe Rusisë riafirmuan vendosmërinë e tyre për të forcuar bashkëpunimin dypalësh në nivele të ndryshme, pas rezultatit të takimit të 19 janarit në Moskë. Presidenti rus Vladimir Putin të enjten në mëngjes urdhëroi një "operacion special ushtarak" në Donbas, duke pretenduar se do të çmilitarizonte Ukrainën dhe u bëri thirrje forcave ukrainase që të linin armët dhe të shkonin në shtëpi.