Emiri i Katarit bisedon me kryeministrin italian për furnizimin me gaz
Emiri i Katarit dhe kryeministri i Italisë diskutuan në një bisedë telefonike për marrëdhëniet dypalëshe dhe zhvillimet rajonale dhe globale, veçanërisht invazionin ushtarak rus në Ukrainë dhe pasojat e tij.
Emiri i Katarit, Tamim bin Hamad Al Thani dhe kryeministri i Italisë, Mario Draghi, diskutuan të shtunën me telefon marrëdhëniet dypalëshe dhe zhvillimet rajonale dhe globale, veçanërisht sulmin ushtarak rus ndaj Ukrainës dhe pasojat e tij. Telefonata mes liderëve italianë dhe katariotë erdhi pasi shqetësimet për furnizimet e Evropës me gaz u përshkallëzuan pas luftës në Ukrainë. Pak ditë më parë, ministri i Jashtëm i Katarit, Mohammed bin Abdul Rahman Al Thani mbajti një qëndrim për luftën në Ukrainë dhe shtoi: “Katari ka ndjekur me shqetësim të madh përshkallëzimin e tensioneve ushtarake në Ukrainë në ditët e fundit. Në këto rrethana të vështira, është thelbësore të angazhohemi në dialog konstruktiv dhe mjete diplomatike për zgjidhjen e kësaj krize". Ai theksoi nevojën për t'i kushtuar vëmendje Kartës së OKB-së dhe parimeve ndërkombëtare dhe për të zgjidhur mosmarrëveshjet ndërkombëtare me mjete paqësore dhe për t'u përmbajtur nga përdorimi i forcës.
