Negociatat me Ukrainën kanë ngecur

Kremlini njoftoi sot se bisedimet janë pezulluar për shkak të mosgatishmërisë së Ukrainës për të vazhduar bisedimet e paqes.

Presidenti rus Vladimir Putin tha në një fjalim të shtunën se bisedimet me Ukrainën ishin pezulluar për shkak të mungesës së interesit të Kievit për zgjidhjen e mosmarrëveshjes aktuale. Kremlini njoftoi të shtunën se presidenti rus gjatë një telefonate me homologun e tij finlandez i kishte thënë atij se bisedimet mes Moskës dhe Kievit  kishin përfunduar. Kremlini tha në një deklaratë se Putin "ndau pikëpamjet e tij për procesin e negociatave midis palëve ruse dhe ukrainase, të cilat janë pezulluar kryesisht nga Kievi" dhe se qeveria ukrainase nuk ishte e interesuar për një dialog serioz dhe konstruktiv. Vlen të theksohet se konflikti në Ukrainë ka marrë një formë të re, pasi Perëndimi ka intensifikuar veprimet e tij provokuese në dërgimin e ndihmës financiare dhe ushtarake në Ukrainë. Që nga fillimi i konfliktit ushtarak midis Rusisë dhe Ukrainës, janë mbajtur disa raunde negociatash mes dy vendeve, por pa rezultat.