OKB: Udhëheqësi i Al Kaidas ripërtëriu besëlidhjen ndaj udhëheqësit taleban
Në raportin e ri prej 25 faqesh, Kombet e Bashkuara njoftuan marrëdhëniet e ngushta mes liderëve të Al-Kaidas dhe Talebanëve, duke vënë në dukje se Al Kaida ka fituar më shumë liri veprimi me fitoren e talebanëve në Afganistan.
Agjencia e lajmeve IRNA njoftoi se udhëheqësi i Al-Kaidas, Ajman al-Zavahiri ka rinovuar besnikërinë e tij ndaj udhëheqësit taleban Mola Hebatullah Akhundzade, sipas faqes së internetit të OKB-së. Talibanët vazhdojnë të ofrojnë strehë të sigurt për grupet terroriste, përfshirë edhe Al-Kaidan, si në të kaluarën.
Raporti vazhdon duke thënë se disa nga udhëheqësit e talebanëve që janë në listën e sanksioneve të OKB-së, janë emëruar në kabinetin e qeverisë talebane të Afganistanit.
Më herët, disa burime të inteligjencës në rajon dhe në mbarë botën shprehën shqetësimin për ringjalljen e Al-Kaidas në Afganistan.
Ekipi monitorues i Këshillit të Sigurimit të OKB-së thotë se grupi Tahrik-e-Taliban i Pakistan (TTP) do të vazhdojë të luftojë qeverinë me mbështetjen e talebanëve të Afganistanit. Disa mijëra luftëtarë të këtij grupi janë të vendosur në Afganistan me mbështetjen e talebanëve.
Nga ana tjetër, disa zyrtarë ushtarakë amerikanë paralajmëruan se në muajt e ardhshëm, grupi mund të organizojë sulme jashtë Afganistanit.
Pas ringjalljes së talebanëve në Afganistan, vendet në mbarë botën kanë shprehur vazhdimisht shqetësimin për ndikimin e grupeve terroriste në vend, por talebanët këmbëngulin se territori afgan nuk do të përdoret kundër asnjë vendi.
