Kriza ushqimore pas thatësirës së paprecedentë në Itali
Burimet e informimit kanë raportuar për një thatësirë të paprecedentë në Itali dhe për zbatimin e kufizimeve dhe reduktimeve të ujit në disa pjesë të vendit.
Agjencia e lajmeve IRIB njoftoi se guvernatori i rajonit Piemonte në perëndim të Milanos ka vendosur të kufizojë përdorimin e ujit për qëllime thelbësore, si për pije dhe gatim, në 170 qytete për shkak të thatësirës së paprecedentë në vend, veçanërisht në veri.
Sipas guvernatorit të rajonit Peymon, edhe nëse përdorimi i ujit të pijshëm është nën kontroll, sektori i bujqësisë në vend po përballet me një krizë të rëndë.
Disa media italiane raportuan se prej më shumë se 110 ditësh nuk ka reshje shiu në disa pjesë të vendit.
Sipas raportit, thatësira do të prekë lumin më të gjatë të Italisë të quajtur "Po", një lumë ky që vëllimi aktual i të cilit është 72% më pak se zakonisht.
Nga ana tjetër, shkencëtarët besojnë se këto thatësira të shpeshta dhe të rënda janë rezultat i ndryshimeve klimatike të shkaktuara nga njerëzit.
Shoqata Bujqësore Italiane, nga ana e saj, deklaroi se për shkak të mungesës së ujit, 50% e produkteve bujqësore në veri të vendit janë në rrezik (zhdukje); megjithatë, sipas shoqatës, sektori i peshkut dhe prodhimeve të detit është gjithashtu në rrezik serioz për shkak të rritjes së temperaturave të ujit dhe rënies së kripës.
