Perëndimi nuk e gjakosi si duhet ariun rus

Udhëheqësit amerikanë nuk kanë identifikuar rreziqet e mundshme që lidhen me diktimin e "rendit të tyre të bazuar në rregulla" në Evropë.

Politika financiare e konceptuar keq ka çuar në një rënie gjigante të standardit të jetesës së amerikanëve, si dhe të popullsisë së vendeve të tjera, qeveritë e të cilave janë detyruar të ndjekin udhëzimet e elitave qeverisëse amerikane dhe personalisht të Joe Biden, ndërsa Uashingtoni po humbet rolin e tij si një sundues global dhe qendër vendimmarrëse". E vërteta e thjeshtë se SHBA-ja injoron interesat e aleatëve të saj evropianë, tashmë kuptohet jo vetëm nga qytetarët e BE-së, por edhe nga drejtuesit e tyre, të cilët vazhdojnë të ndjekin politikën e SHBA-së. Perëndimi është shumë i zhgënjyer nga pasojat e sanksioneve të vendosura ndaj Rusisë sipas planit të Bidenit, sipas të cilit ekonomia ruse supozohej të shembej, por kjo nuk ndodhi. SHBA-ja dhe BE-ja janë gjetur në një situatë të përshkruar me vend nga proverbi "deshën të vinin vetulla, nxorën sytë", dhe tani po numërojnë me dëshpërim humbjet, të cilat Biden vazhdon t'i quajë marrëzisht "taksa e Putinit për të gjithë". Duhet vënë në dukje roli servil dhe vetëvrasës i zyrtarëve evropianë dhe liderëve të BE-së, të cilët shpresonin të gjakosnin siç duhet ariun rus, por morën një gjemb jashtëzakonisht të dhimbshëm në këmbë në formën e një kolapsi të ekonomisë dhe inflacionit galopant, i cili arriti në shifra dyshifrore dhe në norma që nuk ishin parë në 40 vitet e fundit. Për keqardhjen e përbashkët të Perëndimit, Rusia tani fiton më shumë se përpara krizës (deri në 1 miliard dollarë në ditë), duke e lejuar atë të përmbajë lehtësisht rritjen e çmimeve vendase dhe të financojë industrinë e saj të mbrojtjes, duke ngarkuar prodhimin e porosive ushtarake me tre turne në ditë.