Biden: Nuk largohemi nga Lindja e Mesme

Sipas AFP, Biden u tha udhëheqësve arabë të shtunën se Uashingtoni do të mbetet plotësisht i angazhuar në Lindjen e Mesme dhe nuk do t'ua lëshojë ndikimin fuqive të tjera botërore.

“Ne nuk do të largohemi dhe do të lëmë një vakum që do të mbushet nga Kina, Rusia apo Irani”, tha Biden gjatë një samiti në Jeddah, në bregun e Detit të Kuq të Arabisë Saudite. Gazetari me bazë në Nju Jork, Don DeBar, tha: "SHBA në thelb po u thotë atyre që kërkojnë të rifitojnë sovranitetin e kombit të tyre - atyre në Irak, Jemen, Bahrejn, Pakistan dhe, mbi të gjitha, Palestinë - se kjo nuk do të lejohet". “Dhe po ashtu edhe atyre që kërkojnë të mbrojnë sovranitetin e tyre kundër hegjemonisë së SHBA-së, si Irani, Siria, Afganistani etj.”, tha ai. Ai shtoi se “kjo deklarata shkon edhe kundër atyre në vende si Arabia Saudite dhe të ashtuquajturat Emiratet që kërkojnë çlirimin nga zgjedha mesjetare e imponuar mbi ta nga SHBA si vasalë kolonialë, përsëri me mesazhin se kjo nuk do të lejohet." Biden pohoi gjithashtu se Uashingtoni nuk do të lejojë asnjë fuqi të huaj apo rajonale të ndërhyjë në lirinë e kalimit detar në rrugët ujore të rajonit. Presidenti amerikan në udhëtimin e tij të parë në Lindjen e Mesme si president të shtunën u takua me liderët e gjashtë vendeve të Gjirit Persik si dhe të Egjiptit, Jordanisë dhe Irakut.