BE dhe SHBA po shqyrtojnë përgjigjen e Iranit

Bashkimi Evropian konfirmoi se ka marrë përgjigjen e Iranit ndaj një teksti të modifikuar të propozuar nga BE që synon ringjalljen e marrëveshjes bërthamore të vitit 2015, duke thënë se blloku po "studion" përgjigjen me palët në marrëveshje dhe me Shtetet e Bashkuara.

Nabila Massrali, një zëdhënëse e shefit të politikës së jashtme të BE-së, Josep Borrell, i cili koordinoi bisedimet midis Iranit dhe grupit të vendeve G4+1 në kryeqytetin austriak Vjenë, i bëri komentet të martën ndërsa foli për agjencinë e lajmeve IRNA. "Ne jemi duke e studiuar atë dhe jemi duke u konsultuar me pjesëmarrësit e tjerë të marrëveshjes bërthamore dhe me SHBA mbi rrugën që kemi përpara," tha ajo. Të hënën vonë, Irani tha se i kishte dhënë BE-së vendimin e tij përfundimtar mbi bisedimet që synojnë ringjalljen e marrëveshjes bërthamore, duke theksuar se tani është radha e SHBA-së të tregojë realizëm dhe fleksibilitet nëse vërtet dëshiron të arrihet një marrëveshje përfundimtare. Sipas agjencisë së lajmeve Mehr, Departamenti i Shtetit i SHBA njoftoi në një deklaratë të martën se SHBA përmes Bashkimit Evropian ka marrë përgjigjen e Iranit ndaj propozimit mbi marrëveshjen bërthamore dhe aktualisht është duke e shqyrtuar atë.