Pars Today

Zëdhënësi i Departamentit Amerikan të Shtetit ka deklaruar se qeveria amerikane në vend të marrëveshjes bërthamore, është fokusuar në mbështetje ndaj trazirave në Iran!

Agjencia e lajmeve Fars njoftoi se zëdhënësi i Departamentit Amerikan të Shtetit, Ned Price, të mërkurën deklaroi: "Marrëveshja bërthamore e Iranit nuk është në fokus të SHBA-së për momentin". Në kohën kur Amerika ishte pala që duke dal nga marrëveshja bërthamore dhe shkelur zotimet e veta, krijoi situatën aktuale rreth kësaj marrëveshje dhe deri më tani nuk ka pranuar të pranojë zotimet e për të çuar në rezultat negociatat në lidhje me këtë çështje, zëdhënësi i DASH pretendoi: "Iranianët kanë përcaktuar se kjo nuk është një marrëveshje për të cilën ata ishin të gatshëm. Marrëveshja me siguri se nuk është afër për të ndodhur". Ai pohoi se aktualisht përqendrimi i qeverisë së Amerikës është mbështetja ndaj trazirave në Iran dhe pretendoi: "Aktualisht përqendrimi i Uashingtonit është "mbi trimërinë dhe guximin" e konsiderueshëm që po tregon populli iranian nëpërmjet protestave të tij paqësore duke ushtruar të drejtën e tij botërore për lirinë e tubimeve dhe lirinë e shprehjes. Përqendrimi ynë aktual është të tërheqim vëmendjet ndaj veprimit që bëjnë qytetarët iranianë dhe mbështetja e tyre bëhet në mënyra që ne mundemi ta bëjmë!". Po kështu, administrata Joe Biden, në strategjinë e saj të re të sigurisë kombëtare të publikuar të mërkurën, përsëriti pretendimet për programin bërthamor paqësor të Iranit dhe deklaroi: Ne do të ndjekim diplomacinë për të siguruar që Irani nuk mund të marrë kurrë një armë bërthamore. Duke përsëritur politikën e dështuar të “të gjitha opsioneve në tryezë”, administrata Biden, në vazhdimësi të kërcënimeve dhe diplomacisë së kombinuar me presion, pohoi se jemi gati të përdorim mjete të tjera nëse diplomacia dështon. Amerika, duke zbuluar qëllimin e saj të vërtetë, pra duke injoruar marrëveshjen bërthamore dhe duke akuzuar Teheranin se nuk është gati për një marrëveshje, mendon se periudha aktuale, që nënkupton shfaqjen e disa trazirave në Iran, është një mundësi e madhe që të ndërhyjë në Iran dhe të përpiqet të dobësojë sistemin e Republikës Islamike. Shtetet e Bashkuara, të cilat pretendojnë dhembshuri për kombin iranian dhe po përpiqen të krijojnë një hapësirë ​​të hapur në Iran duke anuluar sanksionet në lidhje me hapësirën virtuale dhe internetin, janë armiku më i madh i kombit iranian dhe kanë shprehur vazhdimisht armiqësinë e tyre të thellë ndaj popullit iranian. Një shembull i qartë i kësaj armiqësie është zbatimi i fushatës së presionit maksimal gjatë presidencës së Donald Trump në vitin 2018, e cila është ndjekur me vrull nga presidenti aktual i SHBA Joe Biden. Një shembull i fundit i kësaj armiqësie është vendosja e sanksioneve të reja ndaj industrisë së transportit ajror të Iranit, e cila synon drejtpërdrejt popullin iranian dhe sigurinë e udhëtimit ajror. Nga ana tjetër, Uashingtoni beson se duke kërcënuar Iranin siç pasqyrohet zyrtarisht në dokumentin e ri të strategjisë së sigurisë kombëtare të SHBA-së, do të jetë në gjendje të frikësojë Iranin dhe ta bëjë Teheranin të pranojë kërkesat e palogjikshme dhe të paligjshme të Uashingtonit në fushën bërthamore, raketore dhe në politikat rajonale.  Në lidhje me këtë, faqja e lajmeve Hill, një media e afërt me Kongresin Amerikan, pohoi pak kohë më parë se ka ardhur koha që vendet perëndimore të largohen nga tryeza e bisedimeve, të shpallin zyrtarisht vdekjen e marrëveshjes bërthamore dhe të aktivizojnë mekanizmin nxitës që ushtron presion maksimal ndaj Iranit. Ndërkohë, politikanët amerikanë dhe botërorë e kanë pranuar vazhdimisht dështimin e fushatës së presionit maksimal kundër Iranit. Senatori amerikan Chris Murphy thotë: "E vetmja pikë pozitive e politikës katastrofike të "presionit maksimal" të Trump kundër Iranit ishte se ajo vërtetoi përfundimisht se sanksionet e njëanshme e përkeqësojnë situatën. Pasi u tërhoqëm nga marrëveshja bërthamore, Irani u bë më i fortë".