Zgjatja e kontratës së eksportit të grurit të Ukrainës

Sekretari i Përgjithshëm i Kombeve të Bashkuara njoftoi zgjatjen e kontratës së eksportit të grurit të Ukrainës.

Antonio Guterres, duke përshëndetur marrëveshjen e të gjitha palëve për zgjatjen e kontratës së eksportit të grurit të Ukrainës, tha se kjo organizatë ndërkombëtare është gjithashtu plotësisht e angazhuar për heqjen e pengesave të mbetura për eksportin e ushqimit dhe plehrave kimike nga Rusia. Rusia dhe Ukraina arritën marrëveshje më 22 korrik me ndërmjetësimin e Kombeve të Bashkuara dhe Turqisë për të garantuar eksportin e sigurt të drithit dhe plehrave kimike nga tre portet ukrainase përmes Detit të Zi. Rusia, pavarësisht se ofron të gjitha kushtet për nisjen e anijeve ukrainase me grurë nga portet në Detin e Zi, ankohet për dështimin e premtimit për heqjen e barrierave për eksportin e ushqimit dhe plehrave kimike ruse për shkak të pengesave të krijuara nga sanksionet perëndimore.  Sekretari i Përgjithshëm i OKB-së Antonio Guterres OKB-ja është zotuar të nxisë Shtetet e Bashkuara dhe aleatët e saj që të heqin këto kufizime. Biznesmenët rusë kanë akses të kufizuar në sigurimet bankare dhe detare për shkak të sanksioneve perëndimore.