Erdogan nuk e përjashton dialogun me Asadin

Presidenti turk Rexhep Tajip Erdogan tha të mërkurën se një takim me homologun e tij sirian Bashar al-Assad është i mundshëm, duke sugjeruar se të dy palët janë afër rregullimit të marrëdhënieve pas 11 vjetësh.

Turqia në 11 vitet e fundit ka mbështetur terroristët e armatosur që pa sukses kërkuan të rrëzonin qeverinë e zgjedhur të Asadit, madje Erdogan e quajti atë një "vrasës". I pyetur nga një gazetar në parlament nëse ai mund të takohet me udhëheqësin sirian, Erdogan tha se "është e mundur". "Është e mundur. Nuk ka vend për inat në politikë. Në fund të fundit, hapat ndërmerren në kushtet më të favorshme," tha udhëheqësi turk, duke lënë të kuptohet se është i prirur për pajtim. Udhëheqësi turk u bëri jehonë komenteve që ai bëri javën e kaluar për rishikimin e marrëdhënieve me Assadin pas zgjedhjeve presidenciale dhe parlamentare të planifikuara për qershorin e vitit të ardhshëm. Deklaratat e Erdoganit erdhën dy ditë pasi ai tha se Ankaraja do të nisë një operacion tokësor në Irakun verior dhe në Sirinë veriore për të eliminuar ato që ai pretendoi se ishin "kërcënime terroriste".