Rusia mori nën kontroll 3 qytete në Donetsk

Ministria ruse e Mbrojtjes njoftoi se vendi ka marrë kontrollin e tre qyteteve në rajonin Donetsk të Ukrainës.

Sipas agjencisë së lajmeve Anatolia, Ministria në një deklaratë të mërkurën njoftoi: Si rezultat i sulmeve të forcave ruse, qytetet Andriyuka, Bilogoryuka dhe Pershe Travnia të Republikës Popullore të Donetskut u çliruan plotësisht.  Në të njëjtën kohë, thuhet se konflikti vazhdon për kontrollin e vendbanimit Vodian. Presidenti ukrainas Volodymyr Zelensky në një fjalim televiziv të martën situatën në frontet e luftës e përshkroi si "të ndërlikuar".Ai tha: “Megjithë humbjet e mëdha të Rusisë, pushtuesit ende po përpiqen të avancojnë në rajonin e Donetskut, si dhe të forcojnë terrenin e tyre në rajonin e Luhanskut dhe të lëvizin në drejtim të rajonit të Kharkivit. Por ne vazhdojmë të rezistojmë dhe mbi të gjitha nuk do ta lejojmë armikun që të arrijë qëllimet e tij. Së bashku, Donetsk dhe Luhansk përbëjnë rajonin rusishtfolës të Donbassit, i cili vazhdon të mbetet fokusi i "operacioneve speciale ushtarake" të Moskës në Ukrainë. Para fillimit të luftës Rusi-Ukrainë në fillim të marsit, Moska i njohu të dy rajonet si "republika të pavarura popullore". Donetsk është gjithashtu një nga katër rajonet e aneksuar nga Rusia pas një referendumi që u mbajt në shtator. Tre rajonet e tjera janë Luhansk, Kherson dhe Zaporizhia.