Kremlini: Rusia nuk do të pranojë tavanin e çmimit të naftës

Zëdhënësi presidencial rus Dmitry Peskov njoftoi se Rusia nuk do të pranojë tavanin e çmimit për naftën e saj dhe do të "analizojë me shpejtësi" veprimet e ardhshme në treg.

Sipas IRNA, Peskov në përgjigje të vendimit të Bashkimit Evropian tha: Ne jemi duke e vlerësuar situatën.   Ne nuk pranojmë kufizime të çmimeve dhe do t'ju njoftojmë se si do të organizohet puna pasi të përfundojë vlerësimi. Grupi G7 ra dakord për të vendosur çmimin e naftës ruse në vetëm 60 dollarë për fuçi, duke e shpallur këtë çmim si tavan për blerjen e naftës ruse dhe ky vendim vjen pas disa muajsh bisedimesh për masën e re, e cila synon të godasë burimin kryesor të të ardhurave për Moskën. Komisioni Evropian shtoi: “Ky tavan çmimi nuk zbatohet për naftën e blerë mbi tavanin e çmimit përpara datës 5 dhjetor, atë të ngarkuar në anije dhe të shkarkuar para 19 janarit 2023. Komisioni Evropian gjithashtu vuri në dukje se Bashkimi Evropian ka kërcënuar kompanitë që blejnë naftën ruse mbi tavanin e çmimit me ndërprerjen e sigurimeve, financimin dhe shërbimet për 3 muaj. Vendosja e tavanit të çmimit të naftës vjen ndërkohë që Rusia më parë ka paralajmëruar se nuk do tu sigurojë burimet e saj energjetike vendeve që vendosin një tavan çmimi dhe është e vendosur të punojë vetëm në kushtet e tregut.