Thellohen mosmarrëveshjet BE-Katar

Katari mohoi se është i përfshirë në një rast korrupsioni që po hetohet nga autoritetet belge dhe që përfshin persona të lidhur me Parlamentin Evropian.Autoritetet belge kanë akuzuar katër persona të lidhur me Parlamentin Evropian se kanë marrë para nga organizatori i Kupës së Botës, Katari për të ndikuar në marrjen e vendimeve në favor të tij.

Mes tyre ishte edhe nënkryetarja e parlamentit evropian, deputetja greke, Eva Kaili. Ligjvënësit votuan me shumicë dërrmuese të martën e kaluar për t’i dhënë fund mandatit të saj në detyrë. Katari ka mohuar më parë të ketë bërë një gjë të tillë. Një diplomat i misionit të Katarit pranë Bashkimit Evropian tha me anë të një deklarate të dielën se “paragjykimet” kishin ndikuar në vendimin e parlamentin të enjten për të pezulluar punën mbi legjislacionin që ka lidhje me Katarin dhe për të ndaluar përfaqësuesit e Katarit nga ambientet e Parlamentit Evropian. Pezullimi prek legjislacionin që lidhet me liberalizimin e vizave, një marrëveshje aviacioni BE-Katar dhe vizitat e planifikuara, derisa akuzat të konfirmohen ose të hidhen poshtë. “Vendimi për një kufizim të tillë diskriminues do të ndikojë negativisht në bashkëpunimin rajonal dhe global të sigurisë, si dhe diskutimet e vazhdueshme rreth varfërisë dhe sigurisë globale të energjisë,” tha diplomati katariot. BE është i varur nga Doha, duke përfshirë edhe fushën e energjisë.Sipas ISNA, duke cituar Politico, Parlamenti Evropian javën e kaluar ndaloi hyrjen e përfaqësuesve të Katarit në parlament, ndërsa debatet, të cilat përfshijnë vizat dhe vizitat e planifikuara do të pezullohen.Diplomati katariot në Bruksel shtoi: "Ky vendim tregon se anëtarët e Parlamentit Evropian u mashtruan ndjeshëm. Është për të ardhur keq që disa vepruan mbi bazën e paragjykimit ndaj Katarit dhe e bazuan gjykimin e tyre në informacionin e rremë në vend që të prisnin përfundimin e hetimeve".Vendet e BE-së i janë drejtuar gjithnjë e më shumë Katarit në një përpjekje për të diversifikuar burimet e energjisë dhe për të plotësuar mungesat pas pushtimit rus të Ukrainës dhe Gjermania muajin e kaluar nënshkroi një marrëveshje 15-vjeçare për të importuar gaz natyror të lëngshëm (LNG) nga Katari. Doha furnizoi një të katërtën e importeve të LNG të BE-së vitin e kaluar. Sidoqoftë, vendimi i fundit i PE do të dëmtojë rëndë bashkëpunimin energjitik BE-Katar.