Medvedev: Elon Musk do të bëhet president i Shteteve të Bashkuara

Në një listë të "hipotezave për të ardhmen" për atë që mund të ndodhë në vitin e ri, ish-presidenti rus Dmitry Medvedev parashikoi presidencën e sipërmarrësit aktual Elon Musk dhe sundimin e tij mbi Shtetet e Bashkuara.

Sipas Newsweek, ky zyrtar rus, i cili aktualisht shërben si nënkryetar i Këshillit të Sigurisë Ruse, të hënën në kanalin e tij Telegram publikoi listën e tij me 10 parashikimet për vitin 2023.  Lista e Medvedev përfshin parashikimin e çmimeve të naftës, shpërbërjen e Bashkimit Evropian dhe Luftën Civile Amerikane. Sipas listës, "Lufta Civile" amerikane do të çonte në "ndarjen e Kalifornisë dhe Teksasit në shtete të pavarura" dhe "themelimin e Shtetit të bashkuara të Teksasit dhe Meksikës". Gjithashtu, Musk, themeluesi i Tesla dhe kreu i Tëitter, do të fitojë gjatë zgjedhjeve presidenciale. Nëse parashikimet e presidentit rus janë të vërteta, vendet e tjera perëndimore do të dëshmojnë gjithashtu ristrukturime të mëdha sociale dhe politike. Zyrtari rus parashikon se Britania do të kthehet në BE përpara rënies së bllokut. Ai gjithashtu shkruan për krijimin e një perandorie të re në Gjermani, e përbërë nga vende rreth Gjermanisë që përfundimisht do të futen në luftë me Francën. Medvedev përfundoi parashikimet e tij duke spekuluar "transferimin e të gjitha tregjeve të aksioneve dhe aktiviteteve kryesore financiare nga Shtetet e Bashkuara dhe Evropa në Azi", duke shtuar se në vitin 2023 euro dhe dollari do të humbasin pozicionin e tyre si "valuta rezervë globale". Sipas botimit amerikan Newsweek, parashikimet e Medvedevit vijnë pasi Rusia hyn në vitin e ri me viktima masive në luftën me Ukrainën. Sipas autoriteteve ukrainase, vetëm në ditën e Krishtlindjes, rreth 550 ushtarë rusë u vranë në betejë.  Sipas tyre, që nga sulmi rus në Ukrainë, numri i rusëve të vdekur ka arritur në të paktën 102 mijë e 600 ushtarë. Nga ana tjetër, një ditë para fillimit të festave të Krishtlindjeve në vendet e krishtera, zëdhënësi i Kremlinit Dmitri Peskov paralajmëroi se vizita e javës së kaluar të presidentit ukrainas Volodimir Zelenski në Uashington, do të çojë në intensifikimin e konfliktit në Ukrainë. Megjithatë, ekspertët perëndimorë të shkencave politike besojnë se paralajmërimet e Peskovit nuk kanë vlerë, duke shtuar se politikanët si Medvedev janë prirur të bëjnë dhe përdorin "deklarta të pabesueshme".