Evropa duhet të jetë gati për ndërprerje të gjera të energjisë

“Claudia Tanner”, ministrja e Mbrojtjes e Austrisë, paralajmëroi se pas efekteve të tmerrshme të luftës së Ukrainës në tregun e energjisë, Evropa duhet të përgatitet për ndërprerje të gjera të energjisë.

Sipas IRNA, të martën, në një intervistë për gazetën "De Volt", Taner deklaroi se në të ardhmen e afërt probabiliteti i ndërprerjeve të energjisë në disa pjesë të Bashkimit Evropian është "shumë i lartë" dhe tha: mundësia e ndërprerjes  së energjisë elektrike për shkak të luftës në Ukrainë edhe një herë është rritur ndjeshëm. Ajo shtoi: Çështja nuk është nëse kjo do të ndodhë apo jo, por çështja është se kur do të ndërpritet rryma.  Tanner gjithashtu tha se "sulmet hakere" të presidentit rus Vladimir Putin në rrjetin energjetik të vendeve perëndimore janë një formë e "luftës hibride". Ministrja e Mbrojtjes e Austrisë kujtoi: Nuk duhet të pretendojmë se kjo është vetëm një hipotezë, por duhet të përgatitemi për një ndërprerje të energjisë elektrike në Austri dhe më tej në Evropë. Sipas Tanner, ushtria e Austrisë dhe e vendeve të tjera evropiane kryejnë rregullisht stërvitje dhe ushtrime për t'u përballur me krizën e ndërprerjeve të energjisë elektrike, si dhe janë shpërndarë fletëpalosje mes njerëzve në mënyrë që ata të dinë se çfarë të bëjnë në rast të ndërprerjes së energjisë elektrike. Lufta në Ukrainë dhe vendosja e sanksioneve perëndimore kundër Rusisë kanë bërë që vendet evropiane të përballen me një rritje të çmimeve të energjisë dhe të kërkojnë mënyra për të reduktuar konsumin e energjisë elektrike dhe elementëve të tjerë të energjisë.