Reagimi i Medvedevit ndaj refuzimit të armëpushimit nga ana e Ukrainës

Nënkryetari i Këshillit të Sigurisë Kombëtare të Rusisë deklaroi se "refuzimi i armëpushimit nga ana e Ukrainës e bëri punën e ushtarëve tanë më të lehtë" dhe tha: "Njerëzit mosmirënjohës kuptojnë vetëm gjuhën e forcës".

Të premten, Forcat e Armatosura Ruse njoftuan një armëpushim të njëanshëm në të gjitha linjat e frontit nga mesdita e 6 janarit deri në mesnatën e 7 janarit. Pas kërkesës së presidentit rus për një armëpushim 36-orësh, Ukraina e refuzoi këtë armëpushim dhe tha se armëpushimi do të vendoset kur Rusia të largohet nga territoret e pushtuara. Dmitry Medvedev në një mesazh në Telegram të premten shkroi: "Gjatë festave të Krishtlindjeve, dora e dashurisë së Krishtit (a.s.) u zgjat drejt Ukrainës, por udhëheqësit e Ukrainës e refuzuan atë." Ai shtoi: "Unë mendoj se shumica e ushtarëve tanë morën frymë lehtësimi kur dëgjuan refuzimin e armëpushimit sepse puna e tyre u bë më e lehtë.” Në të njëjtën kohë, ky zyrtar rus tha: "Isha i trishtuar që disa njerëz nuk mund të shkonin në kishë në këtë ditë, por kuptova që njerëzit mosmirënjohës dhe që nuk besojnë, kuptojnë vetëm gjuhën e forcës. Dmitry Poliansky, zëvendës ambasador i Rusisë në Kombet e Bashkuara iu përgjigj gjithashtu refuzimit të armëpushimit të propozuar nga Moska për Krishtlindjet ortodokse, duke thënë: "Kievi është gati të sakrifikojë gjithë popullin e Ukrainës për qëllimet gjeopolitike të Perëndimit".