Kushti i Rusisë për rifillimin e negociatave me Ukrainën

Drejtor i Departamentit të Dytë të Komonuelthit të Shteteve të Pavarura në Ministrinë e Punëve të Jashtme të Rusisë njoftoi se Ukraina për të rifilluar negociatat duhet t'i kushtojë vëmendje aneksimit të katër rajoneve në Rusi.

Sipas agjencisë së lajmeve IRNA, Alexei Polishchuk, drejtor i departamentit të dytë të Komonuelthit të Shteteve të Pavarura në Ministrinë e Jashtme ruse, njoftoi se që kur Kievi ndaloi procesin e negociatave, "situata ka ndryshuar ndjeshëm dhe territore të reja janë aneksuar nga Rusia." Polishchuk tha:  Prandaj, me rifillimin dhe vazhdimin e mundshëm të negociatave, vëmendje duhet t'i kushtohet realiteteve të reja. Polishchuk vuri në dukje se Moska nuk i është shmangur kurrë negociatave. Ky diplomat vazhdoi:  Në fund të shkurtit 2022, ne iu përgjigjëm kërkesës së Kievit, por Ukraina papritur ndërpreu procesin e negociatave, duke lënë pa përgjigje propozimet tona; Pas kësaj nuk ka pasur zhvillime në procesin e negociatave. Nga 23 shtatori deri më 27 shtator 2022, në Donetsk dhe Luhansk, Zaporizhzhya dhe Kherson u mbajtën referendume për çështjen e bashkimit të tyre me Rusinë.  Shumica dërrmuese e banorëve të këtyre rajoneve votuan në favor të bashkimit me Rusinë. Më 30 shtator, presidenti rus Vladimir Putin dhe krerët e këtyre katër rajoneve nënshkruan një marrëveshje për aneksimin e zonëve në fjalë me Moskën. Më 4 tetor, Putin miratoi ligjet në lidhje me pranimin e këtyre rajoneve në Federatën Ruse. Ministria e Mbrojtjes e Ukrainës së fundmi njoftoi se kushti më i rëndësishëm që Kievi të nisë negociatat me Moskën është tërheqja e forcave ruse nga i gjithë territori i Ukrainës. Megjithatë, Moska këmbëngul se ajo fokusohet vetëm në kushtet e saj dhe në sensin e përbashkët për të zhvilluar negociatat.