Biden kundërshton dërgimin e avionëve luftarakë F-16 në Ukrainë

Presidenti amerikan Joe Biden kundërshtoi dërgimin e avionit luftarak F-16 në Ukrainë.

Presidenti amerikan Joe Biden në një bisedë të shkurtër me gazetarët tha se Shtetet e Bashkuara nuk do t'i ofrojnë Ukrainës avionë luftarakë F-16. Ndërkohë, Ukraina pas vendimit të vendeve perëndimore për të dërguar tanke në Kiev, ka  shprehur dëshirën e saj për të marrë avionë luftarakë dhe raketa balistike. Biden iu përgjigj edhe pyetjeve për mundësinë e vizitës së tij në Poloni afër përvjetorit të fillimit të luftës në Ukrainë, duke thënë se ky udhëtim do të bëhet, por nuk e di kohën e saktë. Më herët, media amerikane Politico raportoi: Një grup zyrtarësh ushtarakë amerikanë i kanë bërë presion Pentagonit (Departamenti i Mbrojtjes i SHBA) që të miratojë dërgimin e avionëve luftarakë F-16 në Ukrainë. Sipas Politico, edhe nëse Shtetet e Bashkuara vendosin të mos dërgojnë avionë luftarakë F-16 në Ukrainë, vendet e tjera perëndimore kanë luftëtarë të prodhimit amerikan që mund t’i dërgojnë në këtë vend.  Ministri i Punëve të Jashtme të Holandës javën e kaluar i tha parlamentit të këtij vendi se qeveria holandeze do të shqyrtojë furnizimin e Kievit me avionë F-16.  Megjithatë Amerika së pari duhet të miratojë dërgimin e këtyre avionëve.