Forcat ruse sulmojnë qytetin Bakhmut të Ukrainës

Forcat ruse dhe ato të Wagnerit kanë nisur një sulm të madh në qytetin Bakhmut të Ukrainës.

Forcat ruse kanë sulmuar forcat e rraskapitura ukrainase për muaj të tërë në Bakhmut. Këto sulme të pamëshirshme sidomos ato të këmbësorisë janë bërë me stilin e Luftës së Parë Botërore, raportoi CNN. Vetëm disa kilometra në veri të Bakhmut, trupat ukrainase u detyruan të tërhiqen për në perëndim dhe në jug nga qyteti i minierës së kripës Soldar, pas disa javësh sulmesh nga forcat ruse. Një nga komandantët ukrainas të vendosur brenda Bakhmut tha: "Situata është shumë e tensionuar dhe e vështirë dhe sulmi aktual rus është sulmi më i madh që ai dhe forcat nën komandën e tij kanë përjetuar ndonjëherë". Presidenti ukrainas Volodymyr Zelensky në fjalimin e tij video tha se situata në frontet e betejës po bëhet "më e vështirë" dhe se Rusia synon të na sulmojnë duke forcuar forcat e saj në frontin Bakhmut dhe pika të tjera të konfliktit. Një zyrtar i lartë i sigurisë ukrainase gjithashtu i tha Sky Neës se forcat ruse po përgatiten për një ofensivë të madhe në javët e ardhshme në tokën ukrainase. Oleksii Danilov, Sekretari i Këshillit të Sigurisë dhe Mbrojtjes Kombëtare të Ukrainës, tha se Rusia po përgatitet për përshkallëzimin e tensionit dhe konfliktit dhe për këtë qëllim ka mbledhur dhe mobilizuar të gjitha forcat dhe pajisjet e saj.