Gjermania kundërshton pranimin e azilkërkuesve

Rezultatet e një sondazhi të ri treguan se 51 për qind e gjermanëve besojnë se vendi i tyre ka pranuar "shumë" refugjatë.

Sipas agjencisë së lajmeve IRNA, rezultatet e sondazhit të "Institutit për përgjigje të reja sociale" treguan se 33% e gjermanëve thonë se vendi i tyre ka pranuar mjaftueshëm emigrantë. Ndërkohë, 11 për qind besojnë se Gjermania duhet të pranojë më shumë emigrantë. Gjermania mori rreth 244,000 kërkesa për azil në vitin 2022, që është një rritje prej rreth 28% krahasuar me vitin 2021. Zyra Federale e Gjermanisë për Migracionin dhe Azilkërkuesit njoftoi se vitin e kaluar regjistroi ardhjen e më shumë se një milion emigrantëve ukrainas të cilët janë larguar për shkak të shkatërrimeve nga lufta. Sipas ligjit të BE-së, azilkërkuesit ukrainas kanë statusin e "mbrojtjes së përkohshme" dhe nuk kanë nevojë të aplikojnë për azil. Faqja gjermane Deutsche Welle së fundmi ka shkruar se deri në fillim të dhjetorit 2022, Agjencia e OKB-së për Refugjatët regjistroi rreth 4.8 milionë njerëz si azilkërkues të përkohshëm kryesisht në vendet e Bashkimit Evropian, duke përfshirë Poloninë, Gjermaninë, Balltikun, Rumaninë dhe Sllovakinë dhe ka parashikuar se në varësi të ecurisë së luftës në Ukrainë, vitin e ardhshëm ky numër mund të rritet. Vendet jugore të Bashkimit Evropian, përfshirë Italinë, Spanjën dhe Greqinë, thonë se numri i lartë i emigrantëve u ka bërë atyre presion të madh ndërkohë që vendet veriore të Bashkimit Evropian nuk po i ndihmojnë sa duhet.