Përpjekjet e fabrikave amerikane të armëve për të furnizuar Ukrainën

Në një raport nga një fabrikë armësh, CNN diskutoi sasinë e armëve të prodhuara në një ditë për t'u dërguar në Ukrainë.

Shtetet e Bashkuara njoftuan se kanë një plan afatgjatë për të furnizuar Ukrainën me armë. Autoritetet e këtij vendi kanë njoftuar se tani është koha për t'i kushtuar vëmendje asaj që i nevojitet Ukrainës, përfshirë tanket Abrams. Amerika ka premtuar t'i dërgojë këto tanke në Ukrainë. Uashingtoni po kërkon gjithashtu të sigurojë armë me të cilat do të parandalojë çdo agresion të mëtejshëm nga Moska në të ardhmen. Në të njëjtën kohë, lufta aktuale në Ukrainë ka shkaktuar reduktimin e rezervave amerikane të municionit. Kjo çështje ka bërë që kompanitë amerikane të armëve të rrisin prodhimin e tyre. Sipas CNN, në një kompani armësh në Scranton të Pensilvanisë ndihet fort nevoja për armë dhe municione. Sasi të mëdha metali shkrihen këtu në 11,000 predha mortajash në muaj dhe më pas transportohen në një fabrikë tjetër për t'u mbushur me eksploziv. Ukraina e konsumon prodhimin njëmujor të kësaj fabrike në më pak se një javë. Sekretari i Përgjithshëm i NATO-s Jens Stoltenberg tha së fundmi se "sasia e municioneve të konsumuara në Ukrainë është shumë më e lartë se prodhimi ynë". Një vit luftë ka shkaktuar shumë probleme edhe për perëndimorët. Amerika dhe aleatët e saj furnizojnë me municion Ukrainën dhe në këtë kuadër Pentagoni po kërkon të ndërtojë dy fabrika të reja municionesh për të rritur prodhimin e tij. Zyrtari i Pentagonit, Doug Bush thotë: "Ne kemi një nevojë të madhe për municion. Sigurisht, ne duam të veprojmë më shpejt. Të gjithë po bëjnë punën e tyre. Ne i kushtojmë vëmendje tetëmbëdhjetë muajve të ardhshëm". Doug Bush njoftoi se rritja e prodhimit të municioneve në Amerikë është e njëjtë si gjatë luftës së Koresë. Amerika ka rritur prodhimin e saj të predhave të artilerisë me 5 herë në raport me periudhën para luftës dhe çdo muaj janë prodhuar 70.000 predha artilerie. Niveli i prodhimit të raketave anti-tank Javelin është rritur dy herë. Edhe sasia e raketa-hedhësve është rritur me 30%. Amerika nuk është në luftë me Rusinë, por produktet e fabrikave ushtarake të saj janë pjesë e kësaj lufte. Seth Jones, ekspert i çështjeve politike, thotë: "Sektori ynë i industrisë së mbrojtjes po përjeton gjerësisht një periudhë paqësore dhe nuk është në luftë. Për të vlerësuar sasinë e investimit të ushtrisë në këtë çështje, më duhet të them se ushtria njoftoi pak javë më parë se ka investuar 1.7 miliardë dollarë në prodhimin e predhave të reja të artilerisë dhe po përpiqet të prodhojë urgjentisht këto municione".