Sanders: Kabineti i Netanjahut është racist

Bernie Sanders, senatori i Partisë Demokratike të Amerikës, e quajti racist kabinetin e Beniamin Netanjahu, kryeministrit të regjimit sionist.

Më parë, si kandidat për zgjedhjet presidenciale të vitit 2020 në SHBA, Sanders në një takim ku morën pjesë mbështetës të Partisë Demokratike në New Hampshire, e kishte quajtur regjimin izraelit një regjim racist.

Agjencia e lajmeve IRIB njoftoi se Bernie Sanders, senatori amerikan i Partisë Demokratike, kritikoi qëndrimet raciste të kabinetit të Beniamin Netanjahu, kryeministrit të regjimit sionist, dhe theksoi se qeveria amerikane duhet të kushtëzojë ndihmën financiare për regjimin izraelit me respektimin e të drejtave njerëzore të palestinezëve, me respektimin e procesit të paqes dhe me formimin e një shteti të pavarur të Palestinës.

Faqja e internetit Hill së fundmi ka shkruar se e ardhmja e ndihmës amerikane për regjimin sionist nuk është e sigurt dhe demokratët e këtij vendi janë të shqetësuar se mbështetja e tyre publike për këtë regjim do t'i bëjë ata të pambrojtur në zgjedhjet e ardhshme.