Dislokimi i forcave ukrainase në kufirin e Bjellorusisë

Ministria e Mbrojtjes e Bjellorusisë njoftoi për grumbullimin e forcave ukrainase në kufijtë e këtij vendi.

Sipas raportit të Agjencisë së Lajmeve Fars, Ministria e Mbrojtjes e Bjellorusisë të martën, ndërsa njoftoi grumbullimin e një numri të konsiderueshëm të forcave të ushtrisë ukrainase pranë kufirit të dy vendeve, paralajmëroi se kjo çështje kërcënon sigurinë e Bjellorusisë. Ministria deklaroi më tej se Bjellorusia do të marrë masat adekuate të reagimit, por do të veprojë në mënyrë të përmbajtur. Sipas Ministrisë së Mbrojtjes së Bjellorusisë, mundësia e aksioneve të armatosura provokuese që mund të kthehen në incidente kufitare mes këtij vendi dhe Ukrainës prej kohësh ka qenë e lartë. Më herët, presidenti i Bjellorusisë, Alexander Lukashenko, të hënën e kaluar urdhëroi formimin e forcave të reja të mbrojtjes vullnetare në këtë vend, me qëllim që të gjithë të edukohen se si të përdorin armët dhe të përgatiten për t'iu përgjigjur veprimeve agresive dhe për të ndihmuar në ruajtjen e rendit publik në kohë paqeje. Lidhur me këtë, Ministri i Mbrojtjes i Bjellorusisë, Viktor Khrenin, tha se forcat e mbrojtjes territoriale do të organizohen në çdo qytet dhe fshat dhe në këto forca do të jenë 100.000 deri në 150.000 vullnetarë apo edhe më shumë.