Evropa vendos një paketë të re sanksionesh kundër Rusisë

Anëtarët e Bashkimit Evropian të premten në mbrëmje ranë dakord për paketën e 10-të të sanksioneve kundër Rusisë.

Shtetet anëtare të Bashkimit Evropian në përvjetorin e parë të fillimit të luftës në Ukrainë ranë dakord për paketën e 10-të të sanksioneve kundër Rusisë. Nëse asnjë shtet anëtar i Bashkimit Evropian nuk proteston, miratimi përfundimtar i këtyre sanksioneve pritet të bëhet sot.  Në listën e kësaj pakete përmenden emrat e 120 individëve, institucioneve dhe tre bankave ruse. Bashkimi Evropian ka përsëritur sanksionet që u vendosën më parë nga Shtetet e Bashkuara dhe Mbretëria e Bashkuar. Unioni pas deklaratës së G7, paralajmëroi çdo vend tjetër që ndihmon Rusinë në luftë.