Paralajmërim serioz i Koresë së Veriut për Amerikën

Motra e liderit të Koresë së Veriut paralajmëroi se Pheniani do ta konsideronte një shpallje lufte nëse SHBA ndërmerr veprime ushtarake kundër testeve raketore të Koresë së Veriut.

Duke theksuar se Koreja e Veriut mund të lëshojë më shumë raketa në Oqeanin Paqësor, Kim shtoi: Oqeani Paqësor nuk i përket Shteteve të Bashkuara apo Japonisë. Sipas Reuters, Shtetet e Bashkuara vendosën bombardues B-52 për stërvitje të përbashkëta me avionët luftarakë të Koresë së Jugut. Të dy vendet, nga java e ardhshme do të zhvillojnë më shumë se 10 ditë stërvitje ushtarake në shkallë të gjerë të njohur si "Mburoja e Lirisë". Rreth 28,500 ushtarë amerikanë janë të vendosur në Korenë e Jugut si një trashëgimi e Luftës së Koresë (1950-1953). Lufta nuk rezultoi kurrë në një traktat paqeje, por përfundoi me një armëpushim dhe palët ndërluftuese teknikisht janë ende në luftë. Ministria e Jashtme e Koresë së Veriut i bëri thirrje Kombeve të Bashkuara që menjëherë t'u bëjnë thirrje Shteteve të Bashkuara dhe Koresë së Jugut që të ndalojnë stërvitjet e tyre të përbashkëta ushtarake që do të rrisin tensionet në rajon. Zëvendësministri i Jashtëm i Koresë së Veriut, Kim Son-gyong në një deklaratë tha: "Stërvitjet dhe retorika e armiqve rrisin në mënyrë të papërgjegjshme nivelin e konfrontimit.