Kina i drejtohet SHBA-së: Ndaloni plaçkitjen e burimeve siriane

Kina u ka bërë thirrje Shteteve të Bashkuara të ndalojnë plaçkitjen e burimeve natyrore në Siri dhe të tërheqin forcat e saj ushtarake nga ky vend.

“Ne i bëjmë thirrje Shteteve të Bashkuara të respektojnë sinqerisht sovranitetin, pavarësinë dhe integritetin territorial të vendeve të tjera dhe të ndalojnë menjëherë praninë e saj ushtarake të paligjshme dhe plaçkitjen në Siri”, tha të premten zëdhënësja e Ministrisë së Jashtme kineze Mao Ning në një konferencë shtypi. Kina gjithashtu i kërkoi SHBA-së të heqë sanksionet e paligjshme të vendosura ndaj Sirisë dhe të ndalojë të gjitha veprimet që përkeqësojnë krizën humanitare në vend. “Shtetet e Bashkuara kanë ndërhyrë në mënyrë të paligjshme në aktivitetet ushtarake që lidhen me krizën siriane, e cila ka çuar në vdekjen e një numri të madh civilësh të pafajshëm dhe një fatkeqësi të rëndë humanitare”, tha Mao, duke shtuar se qeveria e tij u bën thirrje autoriteteve amerikane të heqin “sanksionet e njëanshme të paligjshme” kundër Sirisë dhe të ndalin veprimet që përkeqësojnë situatën humanitare në vend. Sipas zëdhënëses së Ministrisë së Jashtme kineze, që nga viti 2014, kriza siriane ka rezultuar në të paktën 350,000 njerëz që kanë humbur jetën dhe 14 milionë që janë në nevojë urgjente për ndihmë humanitare.