Ambasadori i SHBA viziton opozitën turke, zemëron Presidentin Erdogan

Tensionet janë përshkallëzuar mes Turqisë dhe SHBA-së pasi ambasadori amerikan në Ankara u takua me kandidatin e opozitës përpara zgjedhjeve vendimtare.

Presidenti turk Rexhep Tajip Erdogan e ka kritikuar këtë veprim duke thënë se ambasadori duhet të dijë vendin e tij. Erdogan u ka bërë gjithashtu thirrje mbështetësve të tij që t'i japin një mësim Shteteve të Bashkuara në zgjedhjet e ardhshme presidenciale dhe parlamentare. Presidenti turk Rexhep Tajip Erdogan ka thënë se zgjedhjet e ardhshme duhet të jenë një mësim për SHBA-në dhe se tani e tutje dyert janë të mbyllura për ambasadorin amerikan, Jeffry Lane Flake, i cili javën e kaluar u takua me rivalin kryesor elektoral të Erdoganit, Kemal Kilicdaroglu. Ai tha: "Duhet t'i japim Amerikës një mësim në këto zgjedhje. Joe Biden flet nga atje, çfarë po bën ambasadori i Bidenit këtu? Ai shkon të vizitojë zotin Kemal, ky është një turp. Përdorni trurin tuaj! Ju jeni ambasador dhe bashkëbiseduesi juaj këtu është presidenti”. Presidenti turk Rexhep Tajip Erdogan shtoi: "Tani dyert tona janë të mbyllura për të. Ju nuk mund të më shihni më. Pse? Do t'i mësoni kufijtë tuaj".