Zgjedhjet presidenciale turke u shtynë për në raundin e dytë

Pas dështimit të kandidatëve të zgjedhjeve në Republikën e Turqisë për të marrë më shumë se 50% të votave, zgjedhjet u shtynë për në raundin e dytë.

Agjencia shtetërore e lajmeve Anadolu raportoi se pas 97,95% të votave të numëruara, Recep Tayyip Erdoğan fitoi 49,49%, Kemal Kilicdaroglu 44,79%, Sinan Oghan 5,29% dhe Muharram Ince 0,43%. Raundi i dytë i zgjedhjeve është planifikuar të mbahet pas dy javësh më 28 maj.  Presidenti turk Rexhep Tajip Erdogan mbështetësve të tij u tha: “Ne ende nuk e dimë nëse zgjedhjet do të përfundojnë në raundin e parë apo jo; Por nëse vendimi i popullit është që zgjedhjet të zgjasin në raundin e dytë, ne do ta respektojmë atë”.  Ndërkohë, kandidati i opozitës Kemal Kiliçdaroglu deklaroi se do të fitojë patjetër nëse zgjedhjet shtyhen për në raundin e dytë. Zgjedhjet parlamentare të Turqisë pothuajse kanë përfunduar dhe koalicioni i Presidentit Erdogan ka fituar gjysmën e vendeve në parlament. Bazuar në votat e numëruara nga 600 vendet në parlamentin turk, koalicioni i presidentit Rexhep Tajip Erdogan, ku përfshihen Partia për Drejtësi dhe Zhvillim, Partia Lëvizja Nacionaliste dhe Partia e Mirëqenies së Re (që i përket djalit të Najmuddin Arbakan) fitoi një total prej 322 vende. Gjithashtu, “Koalicioni Kombi” i Kemal Kilicdaroglu si koalicion i partive opozitare fitoi 212 mandate. Në të njëjtën kohë, Koalicioni Punë dhe Liri gjithashtu fitoi 66 mandate.