Presidenti i Francës: Nuk do t'i japim asnjë armë Ukrainës

Emmanuel Macron ka thënë se Franca nuk do t'i japë Kievit armë që do ta lejonin atë të sulmonte ose të hynte në Rusi.

Sipas Sputnik, presidenti francez Emmanuel Macron theksoi se Franca nuk do t'i sigurojë Ukrainës asnjë armë që do ta lejonte atë të sulmonte ose të arrinte territorin rus. Macron i tha kanalit televiziv TF1: "Ne nuk po i japim Ukrainës armë që do ta lejonin atë të sulmojë Rusinë ose të arrijë territorin e saj, por strategjia e Francës është të vazhdojë të ndihmojë Ukrainën që të mbrohet". Dy net më parë, Zelenski u largua nga Berlini për në Paris dhe mori pjesë në një darkë në Pallatin Elysee me presidentin francez Emmanuel Macron. Al-Jazeera shkroi se pas tre orë konsultime, liderët e të dy vendeve në një deklaratë të përbashkët njoftuan se "në javët e ardhshme, Franca do të trajnojë dhe pajisë disa divizione ukrainase me dhjetëra automjete të blinduara dhe tanke të lehta, duke përfshirë ato AMX- 10RC." Thuhet se këto tanke lëvizin shpejt në fushën e betejës dhe kanë fuqi të lartë për të ndryshuar pozicione. Udhëtimi i Zelenski në Paris ishte pjesë e turneut të tij evropian. Presidenti i Ukrainës për të kërkuar më shumë ndihmë ushtarake e ka nisur këtë turne në prag të kundërsulmeve pranverore nga ushtria e Kievit. Pas marrjes së paketës ushtarake prej 3 miliardë dollarësh nga Berlini, Zelenski tha gjithashtu se me fuqinë e Kievit dhe aleatëve të tij, humbja e Rusisë këtë vit do të ishte "e pashmangshme". Macron theksoi ë se Parisi do të vazhdojë të mbështesë Kievin me ndihmë politike, financiare, humanitare dhe ushtarake për aq kohë sa të jetë e nevojshme.