Ndihma ushtarake prej 7 miliardë eurosh e Norvegjisë për Ukrainën

Qeveria norvegjeze ofroi një program ndihme ushtarake me vlerë 7 miliardë euro për Ukrainën.

Sipas agjencisë së lajmeve ISNA, ministri i Jashtëm i Norvegjisë Anken Huytolt tha se vendi i tij do të ofrojë një program 5-vjeçar të ndihmës ushtarake për Ukrainën në vlerë prej rreth 7 miliardë euro. Hoytolt të mërkurën në një konferencë shtypi në Oslo tha: "Programi i ndihmës ushtarake të Norvegjisë i quajtur "Nansen” do t'i prezantohet së shpejti Ukrainës, dhe ky program është projektuar për një periudhë 5-vjeçare dhe vëllimi do të jetë rreth 7 miliardë euro". Ndërkohë, Shtetet e Bashkuara do të ofrojnë një paketë të re ndihme ushtarake prej 300 milionë dollarësh për Ukrainën, që pritet të përfshijë municione për sistemin e mbrojtjes raketore Patriot. Zyrtarët amerikanë thanë se ndihma e fundit përfshin gjithashtu raketa për sistemet raketore të artilerisë HIMARS dhe më shumë municione tankesh përpara një kundërofensive të pritshme nga trupat ukrainase. Që nga nisja eluftës në Ukrainë, Shtetet e Bashkuara i kanë premtuar Ukrainës ndihma në fushën e sigurisë në shumën prej 37 miliardë dollarësh.